سياسة الخصوصية

مين إحنا

حضوري نظام لإدارة حضور الموظفين ومرتباتهم. الشركة اللي بتشتغل فيها هي اللي بتشترك في حضوري وبتعملك حساب، وهي المسؤولة عن بياناتك قدامك. إحنا بنشغّل النظام نيابة عنها.

البيانات اللي بنجمعها

بيانات الحساب: اسمك ورقم موبايلك وكود الموظف والوظيفة والفرع ومواعيد شغلك، وده بتدخله شركتك.

الموقع: لحظة ما تدوس تسجيل حضور أو انصراف بس، التطبيق بياخد موقعك مرة واحدة علشان يتأكد إنك في الفرع. إحداثيات الحضور والانصراف بتتحفظ مع كل سجل علشان الشركة تراجع التسجيل. مش بنتابع موقعك في أي وقت تاني، ولا لما التطبيق يكون مقفول.

بيانات الدفع: الحساب اللي هيتحول عليه مرتبك (IBAN أو محفظة أو InstaPay)، وده بيدخله الموارد البشرية في شركتك.

البصمة أو Face ID: لو شركتك طالباها، التأكيد بيحصل جوه موبايلك بس. إحنا مش بنستلم ولا بنحفظ بصمتك أو صورة وشك.

بيانات الشغل: مواعيد الحضور والانصراف، والطلبات (إجازات وأذونات وسلف)، وكشوف المرتبات والخصومات والإضافات.

بيانات الموبايل: رقم تعريفي بيتعمل للتطبيق على موبايلك علشان حسابك يشتغل من موبايل واحد، واسم الموبايل، وكود الإشعارات لو الإشعارات شغالة.

بنستخدمها في إيه

تسجيل الحضور والانصراف وحساب التأخير والإضافي والغياب، وحساب المرتب، ومتابعة الطلبات والموافقة عليها، وبعت إشعارات ليك عن طلباتك ومرتبك.

مش بنبيع بياناتك، ومش بنستخدمها في إعلانات، ومفيش في التطبيق إعلانات.

مين يشوفها

المسؤولين في شركتك حسب دورهم (الموارد البشرية، المحاسب، مديرك المباشر). شركة تانية مش بتشوف أي حاجة من بيانات شركتك.

الإشعارات بتتبعت عن طريق Google Firebase. ومش بنشارك بياناتك مع أي حد تاني إلا لو القانون طلب ده.

الحماية

كل الاتصال بين التطبيق والسيرفر مشفّر (HTTPS)، وكلمات السر بتتحفظ متشفّرة، وبيانات كل شركة معزولة عن غيرها في قاعدة البيانات.

مدة الاحتفاظ ومسح البيانات

بنحتفظ ببياناتك طول ما شركتك مشتركة، علشان سجلات الحضور والمرتبات. تفاصيل طلب الحذف في قسم "حذف الحساب والبيانات" تحت.

حذف الحساب والبيانات

تقدر تطلب حذف حسابك وبياناتك من الموارد البشرية في شركتك، أو تبعت طلب لفريق الدعم بتاع حضوري بالتنسيق مع شركتك.

لما الطلب يتنفذ، هيتمسح من حسابك: اسمك ورقم موبايلك وكود الموظف، ومعرّف الموبايل المربوط بحسابك، وكود الإشعارات.

سجلات الحضور والانصراف والطلبات والمرتبات والسلف، وبيانات الحساب اللي المرتب بيتحول عليه، بتتحفظ للمدة اللي تحددها شركتك أو القانون. وبعد المدة دي بتتمسح، أو بتتشال منها بياناتك الشخصية.

هنراجع طلبك ونرد عليك خلال مدة معقولة.

ولو مش عايز تكلم الموارد البشرية، ابعت طلبك على support@hodoury.com.

الأطفال

حضوري للموظفين بس، ومش موجّه لحد أقل من 18 سنة.